Azərbaycan rəsmiləri “Belaqro-2021” sərgisində iştirak edib

Azərbaycan rəsmiləri “Belaqro-2021” sərgisində iştirak edib Kənd təsərrüfatı naziri İnam Kərimov və Qida Təhlükəsizliyi Agentliyinin sədri Qoşqar Təhməzlinin rəhbərlik etdikləri nümayəndə heyəti Belarusun paytaxtı Minskə səfər edib.
ASK
2 İyun , 2021 11:56
Azərbaycan rəsmiləri “Belaqro-2021” sərgisində iştirak edib

Kənd təsərrüfatı naziri İnam Kərimov və Qida Təhlükəsizliyi Agentliyinin sədri Qoşqar Təhməzlinin rəhbərlik etdikləri nümayəndə heyəti Belarusun paytaxtı Minskə səfər edib.

"Report" xəbər veirir ki, bu barədə nazirlik məlumat yayıb.

Məlumata görə, səfər çərçivəsində Azərbaycan nümayəndə heyəti Minskdə keçirilən 31-ci Beynəlxalq İxtisaslaşmış Sərginin (“Belaqro-2021”) açılış mərasimində iştirak edib.

İyunun 1-dən 5-nə qədər keçirilən aqrosənaye həftəsi çərçivəsində Çin-Belarus Sənaye Parkında təşkil olunmuş “Belaqro-2021” sərgisinə 16 ölkədən, o cümlədən Rusiya, Böyük Britaniya, Fransa, Niderland, İtaliya, Litva, Çin, İordaniya və digər ölkələrdən 400-dən çox şirkət qatılıb. Sərginin açılış mərasimində Belarus Baş nazirinin müavini Aleksandr Subbotin və digər rəsmi şəxslər iştirak ediblər.

Azərbaycan nümayəndə heyətinin üzvləri iki pavilyonda və açıq havada nümayiş olunan ekspozisiyada təqdim edilən kənd təsərrüfatı məhsulları və texnikası, o cümlədən pilotsuz kənd təsərrüfatı sistemləri ilə tanış olub, heyvandarlıq və əkinçilik sahəsində innovasiyalara dair stendlərdə sərgilənən yeniliklərlə maraqlanıblar.

Daha sonra Azərbaycan rəsmiləri Belarusun kənd təsərrüfatı və ərzaq naziri İvan Krupko ilə görüşüblər. Görüşdə Azərbaycan ilə Belarus arasında aqrar sahədə strateji əməkdaşlıq məsələləri müzakirə olunub. Tərəflər iki ölkənin baytarlıq nəzarəti sistemlərinin inteqrasiyası, bu sahədə kadr hazırlığı, birgə elmi-tədqiqat işlərinin aparılması, kənd təsərrüfatı və ərzaq məhsullarının qarşılıqlı ixracı və digər məsələləri nəzərdən keçiriblər.

İ.Krupko Prezident Aleksandr Lukaşenkonun apreldə Azərbaycana səfərini və Prezident İlham Əliyevlə görüşünü xatırladaraq qeyd edib ki, dövlət başçıları Qarabağda işğaldan azad olunmuş ərazilərin bərpasında bir sıra istiqamətlər üzrə məsələləri ətraflı müzakirə ediblər. Gələcəkdə Qarabağda kənd təsərrüfatının inkişafında Belarusun aqrar sahədəki təcrübəsindən, xüsusilə aqroşəhərciklərin yaradılması təcrübəsindən istifadə olunması mümkündür.

Görüşdə iki ölkənin kənd təsərrüfatı və qida təhlükəsizliyi sahəsində əməkdaşlığın genişləndirilməsi, birgə Fəaliyyət Planının hazırlanması, bununla bağlı Azərbaycan və Belarusun müvafiq qurumlarının təmsilçilərindən ibarət işçi qrupunun formalaşdırılması və digər məsələlər ətrafında müzakirələr aparılıb.
Azərbaycan nümayəndə heyəti səfər çərçivəsində Belarusun “Snov” Aqrokombinatında, “Qritskeviçi”, “Novaya jizn” ASC-lərində, Nesvij Uşaq Qidaları zavodunda və digər sənaye müəssisələrində olub.

Son xəbərlər

Orphus sistemi