Yuxarı
    Bağlamaq

    Azərbaycan meşələrində nadir ağaclar zərərvericilərə yoluxub

    Bununla bağlı kimyəvi mübarizə tədbirlərinə başlanılıb

    Bakı. 23 iyun. REPORT.AZ/ Astara və Lənkaran rayonlarında mövcud olan meşə sahələrində şümşad, dəmirağac və palıd ağaclarının müxtəlif zərərvericilərə yoluxması faktı aşkar olunub.

    Kənd Təsərrüfatı Nazirliyi yanında Dövlət Fitosanitar Nəzarəti Xidməti tərəfindən meşə ağacları zərərvericilərinin kənd təsərrüfatı bitkiləri əkilmiş sahələrə və digər yaşıllıq zonalarına yayılmasının qarşısını almaq məqsədi ilə kimyəvi mübarizə tədbirlərinə başlanılıb. 

    Bu barədə Kənd Təsərrüfatı Nazirliyindən "Report"a daxil olan məlumatda bildirilib. 

    Məlumata görə, vəziyyətin ciddiliyini nəzərə alan Dövlət Xidmətinin Respublika Bitki Mühafizəsi mərkəzinin yerli qurumunun əməkdaşları əvvəlcə Astara rayonunun Təngərüd, Maşxan, Sərək, Siyətük, Pensər və Kiyəbə yaşayış məntəqələri yaxınlığında yerləşən 85 hektar sahəni əhatə edən meşə zolağında zərərvericilərə qarşı ilkin mübarizə tədbirlərinə başlayıblar.

    Mübarizə tədbirləri daha sonra Lənkəran rayonunun Boladi, Hirkan, Xanbulan, Cil, Xarxatan, Osaküçə yaşayış məntəqələrinə yaxın olan və 35 hektar əraziyə malik olan meşə fondlarında davam etdirilib. Hazırda adıçəkilən ərazilərdə genişmiqyaslı mübarizə tədbirləri davam etdirilir.

    Dövlət Fitosanitar Nəzarəti Xidməti Azərbaycan Respublikasının Meşə Məcəlləsinə uyğun olaraq, ölkə ərazisindəki meşə fondlarının mühafizəsi və qorunması tədbirlərinin birgə aparılması ilə bağlı Ekologiya və Təbii Sərvətlər Nazirliyinə müraciət edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi