Azərbaycan ərəb ölkələrinə süd məhsullarının ixracını artıracaq

Bakı. 26 fevral. REPORT.AZ/ "Azərbaycan ərəb ölkələrinə süd məhsullarının ixracını artırmaq istəyir".

Bunu “Report”a açıqlamasında Azərbaycan Süd və Süd Məhsulları İstehsalçıları və İxracatçıları Assosiasiyasının İdarə Heyətinin sədri Samir Eyyubov bildirib.

Onun sözlərinə görə, bu məqsədlə gələn ayın sonlarında Birləşmiş Ərəb Əmirlikləri, Səudiyyə Ərəbistanı və Qətərə səfər etməyi planlaşdırır: "Sözügedən ölkələrin bazarlarını araşdırdıqdan sonra ixrac imkanlarını müəyyənləşdirəcəyik".