Yuxarı

Azərbaycanda ​mədənçıxarma sənayesi üzrə istehsalçı qiymətləri 4,8% ucuzlaşıb

Bu ilin avqust ayında sənaye məhsullarının istehsalçı qiymətləri əvvəlki ayla müqayisədə 4,3% ucuzlaşıb

Bakı. 9 sentyabr. REPORT.AZ/ Bu ilin avqust ayında sənaye məhsullarının istehsalçı qiymətləri əvvəlki ayla müqayisədə 4,3%, o cümlədən mədənçıxarma sənayesi üzrə istehsalçı qiymətləri 4,8%, emal sənayesi üzrə istehsalçı qiymətləri isə 0,7% ucuzlaşıb.

Bu barədə “Report”a Azərbaycan Respublikasının Dövlət Statistika Komitəsindən məlumat verilib. Məlumata görə 2014-cü ilin avqust ayında mədənçıxarma sənayesi bölməsində daş, qum, çınqıl, duz və digər mədənçıxarma sənayesi məhsullarının hasilatı üzrə 0,4%, metal filizlərinin hasilatı üzrə 0,3%, xam neft və təbii qaz hasilatı üzrə isə istehsalçı qiymətləri 4,8% ucuzlaşıb.

Avqust ayında emal sənayesi bölməsində istehsalçı qiymətləri toxuculuq sənayesi üzrə 5,8%, tikinti məmulatlarının istehsalı üzrə 2,7%, kompüter və digər elektron avadanlıqlarının istehsalı üzrə 1,1%, neft məhsullarının istehsalı üzrə 0,8%, qida məhsullarının istehsalı üzrə 0,2%, dəri və dəri məmulatlarının, ayaqqabıların istehsalı və metallurgiya sənayesi üzrə 0,1% ucuzlaşma olub Bundan əlavə geyim istehsalı üzrə 4,5%, rezin və plastik kütlə məmulatlarının istehsalı üzrə 1,5%, maşın və avadanlıqların istehsalı üzrə 0,8%, maşın və avadanlıqların quraşdırılması və təmiri üzrə 0,7%, ağac emalı və ağacdan məmulatların istehsalı üzrə 0,4%, əczaçılıq məhsullarının istehsalı və mebel istehsalı üzrə isə istehsalçı qiymətləri 0,1% bahalaşma müşahidə edilib.

Ay ərzində elektrik enerjisi, qaz və buxar istehsalı, bölüşdürülməsi və təchizatı, su təchizatı, tullantıların təmizlənməsi və emalı bölmələri üzrə isə heç bir dəyişiklik müşahidə olunmayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi