"Aqroservis" auditor seçir

Kənd Təsərrüfatı Nazirliyinə məxsus "Aqroservis" ASC 2022-ci il üzrə maliyyə hesabatlarının auditi xidməti üçün kotirovka sorğusu elan edib.

“Report” xəbər verir ki, tenderdə iştirak haqqı 100 manatdır.

Sorğuda iştirak etmək istəyənlər təkliflərini fevralın 24-ü saat 18:00-a qədər səhmdar cəmiyyətinin yerləşdiyi Bakı şəhəri, Ziya Bünyadov prospekti, 1965 (Çinar Park) ünvanına təqdim edə bilərlər.

Təkliflərə fevralın 27-si saat 11:00-da qeyd olunan ünvanda baxılacaq.