Yuxarı
    Bağlamaq

    "Aqrolizinq" iribuynuzlu cins damazlıq heyvanların alınması üçün tender keçirir

    İddiaçılar sənədləri fevralın 6-dək təqdim etməlidir

    Bakı. 30 dekabr. REPORT.AZ/ “Aqrolizinq” ASC iribuynuzlu cins damazlıq heyvanların satın alınması məqsədilə açıq tender elan edib.

    “Report” xəbər verir ki, tender iki lot üzrə keçirilir. Lot-1 üzrə 2 000 baş Holştin-friz cinsli damazlıq heyvanların, lot-2 üzrə 5 000 baş Simmental cinsli damazlıq heyvanların satın alınması nəzərdə tutulur.

    ASC qarşısında yerinə yetirilməmiş öhdəliyi olan şirkətlər bu tenderdə iştirak edə bilməzlər.

    Maraqlananlar əsas şərtlər toplusunu lot-1 üzrə 500 manat və lot-2 üzrə 1 000 manat məbləğində iştirak haqqını ödədikdən sonra ASC-dən (Bakı şəhəri, Bakıxanov qəsəbəsi, B.Bünyadov küçəsi,12.) ala bilərlər.

    İddiaçılar tenderdə iştirak etmək üçün sənədləri fevralın 6-dək təqdim etməlidir. Tender təklifi və bank təminatı isə fevralın 15-i saat 17:00-dək təqdim olunmalıdır.

    Tender təklifi fevralın 16-sı saat 17:00-da “Aqrolizinq”in əsas binasının konfrans zalında açılacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi