Aqrar Kredit və İnkişaf Agentliyinin kredit portfeli əsasən bankların hesabına formalaşıb

2018-ci ildə Kənd Təsərrüfatı Nazirliyi yanında Aqrar Kredit və İnkişaf Agentliyi (AKİA) 10 bank, 11 bank olmayan kredit təşkilatı (BOKT) və 19 kredit ittifaqı ilə əməkdaşlıq edib.

“Report” bu barədə AKİA-ya istinadən xəbər verir.

Məlumata görə, qurumun kredit portfelinin 67%-i bankların, 19%-i BOKT-ların, 13%-i isə kredit ittifaqlarının hesabına formalaşıb.

Ötən il Agentliyin xətti ilə 169 nəfərə 11 milyon manata yaxın kredit verilib. Ümumilikdə isə indiyə qədər təxminən 4 400 nəfərə 155 milyon manatdan artıq kredit ayrılıb.