Yuxarı
    Bağlamaq

    Türkiyədə dolların məzənnəsi 3,70 lirə səviyyəsini keçib

    Məzənnə müvəqqəti olaraq 3,75-3,80 TRY/USD-yə kimi yüksələ bilər

    Bakı. 5 aprel. REPORT.AZ/ Türkiyədə ABŞ dollarının məzənnəsi 3,70 TRY/USD səviyyəsini ötüb. "Report" xəbər verir ki, buna səbəb kimi Türkiyədə inflyasiyanın gözləntilərdən yüksək olması və aprel ayının 16-da keçiriləcək referendum göstərilir. İnflyasiyanın gözləntiləri aşması dolların məzənnəsinin 3,66 TRY/USD-yə yüksəlməsinə səbəb olsa da, hazırda dolların məzənnəsinə təsir edəcək əsas amil referendumun gözlənilən nəticələridir. Nəticələr üzrə proqnozların qeyri-müəyyən olması dolların məzənnəsinə də təsir edir. Xarici investorlar ölkənin prezident idarəçiliyinə keçməsini istəmirlər. Bu səbəbdən referendumda müsbət cavab çıxarsa, investorlar sərmayələrini azalda bilərlər. Əks halda, hökumətin necə addım atacağı sual altındadır.

    "Report"un analitik qrupu referenduma qədər dolların məzənnəsinin 3,75-3,80 TRY/USD səviyyəsinə qədər yüksələcəyini, referendumdan sonra isə 3,60-3,65 TRY/USD-yə geriləyəcəyini ehtimal edir. Qeyd edək ki, Türkiyədə dolların maksimal məzənnəsi bu ilin əvvəlində (3,9423 TRY/USD) qeydə alınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi