Yuxarı

"Report": Manat bir qədər də bahalaşa bilər

Bu ilin sonuna kimi dolların məzənnəsi 1,55 AZN/USD səviyyəsinə kimi enə bilər

Bakı. 6 oktyabr. REPORT.AZ/ Azərbaycanda dolların rəsmi məzənnəsinin 1,55 AZN/USD səviyyəsinə kimi düşə bilər. 

"Report"un analitik qrupu hesab edir ki, neft qiymətlərinin 50 dollar/barel səviyyəsini keçməsi manatın möhkəmlənməsinə gətirib çıxarıb. 

Neft qiymətlərinin bu səviyyədə qalması ilin sonuna qədər manatın cari səviyyədən 3-5% bahalaşmasına gətirib çıxaracaq. 

Qeyd edək ki, hazırda "Brent" və "Azeri Light" markalı neft sortları təxminən 52 dollar/barelə satılır. Noyabrın 30-da Vyanada keçiriləcək OPEC ölkələrinin sammitində neft hasilatının azaldılması nəzərdə tutulur ki, bu da neftin qiymətinin ilin sonuna qədər 50 dollar/bareldən yuxarı olacağı ehtimallarını artırıb. Analitik qrup hesab edir ki, 2016-cı ilin yekununda Azərbaycanda dolların rəsmi məzənnəsi ilin əvvəlindəki 1,56 AZN/USD səviyyəsindən aşağı enə bilər: "Lakin məzənnənin bu il 1,50 AZN/USD səviyyəsinin üstündə olacağı ehtimal edilir".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi