Yuxarı

Azərbaycanın bəzi ölkələrlə ticarət dövriyyəsi 0-a bərabərdir - TƏHLİL

Azərbaycanın bəzi ölkələrlə ticarət dövriyyəsi 0-a bərabərdir

Bu gün dünyada elə ölkələr var ki, Azərbaycanın bu ölkələrlə ticarət dövriyyəsi sıfıra bərabərdir. Yəni onlarla ya idxalda, yaxud da ixracda ölkəmizlə heç bir ticarət əməliyyatları aparılmır.

“Report”un məlumatına görə, onlar, əsasən, Azərbaycanda məsafəcə uzaq və kiçik ölkələrdir. 

Sıfıra bərabər ixrac və idxal

Misal üçün, bu ilin əvvəlindən bu günə qədər Aland Adaları, Albaniya, Amerika Samoası, Britaniya Anqilyası, Antiqua və Bərbuda Adaları, Barbados, Tanzaniya, Boliviya, Bosniya və Herseqovina, Çili, Dominika, Dominikan Respublikası, Haiti, Həbəşistan, Honduras, İordaniya, Fələstin, Kabo-Verde, Kamboca, Keniya, Konqo (Kinşasa), Şimali Koreyaya ölkəmizdən ixrac mövcud deyil.

Bundan başqa, Azərbaycanın Kosta-Rika, Kuba, Kot-Divuar, Kurasao, Qambiya, Qrenlandiya, ABŞ Quamı, Qvatemala, Qvineya-Bissau, Laos, Lixtenşteyn, Madaqaskar, Malavi, Maldiv adaları, Mali, Mavriki, Martinika, Mavritaniya, hətta Mərakeş və Monako ilə ixracı sıfıra bərabərdir.

Ölkəmizin ticarətdə ixracı sıfıra bərabər ölkələr arasında Myanma, Nabiliya, Nepal, Nikaraqua, Normand Adaları, Panama, Paraqvar, Puerto-Riko, Ruanda, Salvador, San-Marino, Solomon Adaları, Sudan, Surinam, Suriya Ərəb Respublikası, Svazilend, Syerro-Leona v Şri-Lanka kimi ölkələrin adları da var. Azərbaycanda heç kəsin tanımadığı Türks və Kaykos Adaları, həmçinin Fransaya məxsus Yeni Kalendoniya, Uqanda, Uruqvay, Yamayka, Vircin Adaları, Zambiya, Zimbabve kimi Afrika ölkələrinin adları da mövcuddur.

Bu gün elə ölkələr də var ki, bu ölkələrin ixracı bizim ölkəmizlə sıfıra bərabərdir. Yəni Azərbaycanın bu ölkələrlə idxalı sıfıra bərabərdir.

Belə ölkələr arasında Tacikistan, Aruba, Anqola, Bermud Adaları, Cəbəli-Tariq, Ekvatorial Qvineya, Kayman Adaları, Brazzavil Konqosu, Qayana, Liviyanın adları var. Bundan başqa, Azərbaycan Venesuela ilə heç bir idxal əməliyyatları həyata keçirmir.

Cüzi ixracımız olan ölkələr

Ancaq elə ölkələr var ki, ölkəmiz bu dövlətlərə cüzi də olsa, ixrac-idxal əməliyyatları həyata keçirir. Yəni kiçik də olsa, bəzi ölkələrlə ticarət dövriyyəsi mövcuddur.

Misal üçün, bu ilin yanvar-may ayları ərzində Azərbaycanın bir sıra Avropa ölkələri ilə ixrac göstəriciləri olduqca kiçik olub. Misal üçün, bu ilin ilk 5 ayında ölkəmizin Moldova ilə ixracı 199,18 min ABŞ dolları, Danimarka ilə 310,73 min dollar, Finlandiya ilə 136,76 min dollar, İrlandiya ilə 14,19 min dollar, İsveçlə 190,64 min dollar, Malta ilə 52,03 min dollar, Macarıstanla 286,48 min dollar, Latviya ilə 485,29 min dollar, Litva ilə 689,93 min dollar, Slovakiya ilə 400,75 min dollar, Sloveniya ilə isə 26,02 min dollar təşkil edib.

Dünyada bir sıra ölkələr də var ki, Azərbaycanın bu ölkələrə ixracı o qədər kiçikdir, demək olar ki, yox səviyyəsinə bərabərdir. Məsələn, Azərbaycanın Anqolaya ixracı 3,15 min dollar, Argentinaya 16,18 min dollar, Arubaya 53,67 min dollar, Banqladeşə 13,91 min dollar, Bermud Adalarına 8,53 min dollar, Bəhreynə 148,17 min dollar, Braziliyaya 166,19 min dollar, Bruney Sultanlığı ilə 24,19 min dollar, Cənubi Afrika Respublikası ilə isə cəmi 0,17 min dollar məbləğində ixrac həyata keçirilib.

Bu ilin ilk beş ayında Azərbaycan Ekvatorial Qvineya ilə 0,76 min dollar, Əlcəzairlə 56,84 min dollar, Filippinlərlə 0,55 min dollar, İndoneziya ilə 81,01 min dollar, İslandiya ilə 6,03 min dollar, Kamerunla 0,81 min dollar, Kayman Adaları ilə 16,89 min dollar, Keçmiş Yuqoslaviya Respublikası Makedoniya ilə 85,77 min dollar, Kolumbiya ilə 66,58 min dollar, Brazzavil Konqosu ilə 0,61 min dollar, Koreya Respublikası ilə 80,50 min dollar, Küveyt ilə 84,83 min dollar, Livanla 18 min dollar, Qabonla 12,79 min dollar, Qana ilə isə 10,24 min dollar məbləğində ixrac əməliyyatları baş tutub.

Həmçinin bu ilin yanvar-may ayları ərzində Azərbaycan Qayana ilə 1,02 min dollar, Qətər ilə 798,51 min dollar, Malayziya ilə 172,35 min dollar, Meksika ilə 111,15 min dollar, Men Adası ilə 72,32 min dollar, Monteneqro ilə 227,87 min dollar, Nigeriya ilə 19,29 min dollar, Norveçlə 854,21 min dollar, Omanla 13,58 min dollar, Pakistan ilə 22,31 min dollar, Peru ilə 10,18 min dollar, Seneqalla 7,69 min dollar, Serbiya ilə 163,52 min dollar, Səudiyyə Ərəbistanı ilə 646,80 min dollar, Sinqapurla 770,64 min dollar dəyərində ixrac əməliyyatları həyata keçirib.

Bu müddət ərzində ölkəmizin Trinidad və Tabaqoya ixracının həcmi 18,68 min dollar, Tunislə 23,41 min dollar, Venesuela ilə 1,02 min dollar, Yeni Zelandiya ilə 68,91 min dollar təşkil edib.

Ölkəmizin ən az idxal etdiyi ölkələr

Bu arada, dünyada elə ölkələr də var ki, Azərbaycanın bu ölkələrlə idxalı olduqca cüzi göstəriciyə malikdir. Məsələn, ölkəmizin xarici ticarətdə idxal göstəriciləri keçmiş Sovetlər İttifaqının üzvü olan Estoniya ilə 615,75 min dollara bərabərdir.

Ölkəmizin Kiprlə idxalı 326,48 min dollar, Malta ilə 24,35 min dollar, Aland Adaları ilə 0,31 min dollar. Albaniya 336,80 min dollar, Amerika Samoası 0,24 min dollar, Britaniya Anqilyası 1,65 min dollar, Antiqua və Barbuda ilə 40,00 min dollar, Barbadosla cəmi 7 min dollar, Bəhreynlə 11,98 min dollar, Tanzaniya ilə 36,74 min dollar, Boliviya 1,09 min dollar, Bosniya və Herseqovina ilə 351,72 min dollar təşkil edib.

Bundan başqa, bu ilin yanvar-may ayları ərzində Azərbaycanın Bruney Sultanlığı ilə ixracının həcmi 1,27 min dollar, Dominikana ilə 2,31 min dollar, Dominikan Respublikası ilə 50,25 min dollar, Əfqanıstanla 11,99 min dollar, Haiti ilə 0,7 min dollar, Həbəşistanla 88,07 min dollar, Hondurasla 11,67 min dollar, İraqla 12,50 min dollar, İslandiya ilə 505,58 min dollar, Fələstinlə 257,9 min dollar, Kabo-Verde 0,16 min dollar, Kamerunla 33,56 min dollar, Keçmiş Yuqoslaviya Respublikası Makedoniya ilə 262,36 min dollar, Keniya ilə 448,27 min dollar həcmində olub.

İdxalımız cüzi olan ölkələr arasında Kolumbiya ilə 338,17 min dollar, Konqo Kinşasası ilə 1,31 min dollar, Şimali Koreya Respublikası ilə 9,03 min dollar, Kot-Divuarla 43,33 min dollar, Kuba ilə 44,35 min dollar, Kurasao ilə 16,24 min dollar, Qabonla 4,07 min dollar, Qambiya ilə 0,04 min dollar, Qana ilə 0,78 min dollar, Qətərla 179,85 min dollar, Qrenlandiya ilə 77,82 min dollar, ABŞ Quamı ilə 0,21 min dollar, Qvatemala ilə 44,04 min dollar, Qvineya-Bissau ilə 4,31 min dollar, Laosla 13,78 min dollar, Lixtenşteyn ilə 12,62 min dollar olub.

Bundan başqa, Azərbaycanın bu ilin yanvar-may aylarında idxalının həcmi Livanla 406,10 min dollar, Madaqaskarla 86,48 min dollar, Malavi ilə 136,11 min dollar, Maldiv Adaları ilə 6,39 min dollar, Mali ilə 0,08 min dollar, Martinika 0,38 min dollar, Mavriki ilə 80,91 min dollar, Mavritaniya ilə 7,75 min dollar, Monako ilə 16,12 min dollar, Monteneqro 124,35 min dollar, Myanma ilə 532,34 min dollar, Namibiya 20,45 min dollar, Nepal 76,15 min dollar, Nigeriya 88,64 min dollar, Nikaraqua 8,07 min dollar, Normand Adaları ilə 1,15 min dollar, Omanla 304,38 min dollar, Panama ilə 8,89 min dollar, Paraqvayla 37,32 min dollar, Peru ilə 518,07 min dollar, Puerto-Riko ilə 582,18 min dollar, Ruanda ilə 6,3 min dollar. Salvadorla 0,82 min dollar, San-Marino ilə 159,12 min dollar, Seneqalla 53,97 min dollar təşkil edib.

Həmçinin bu müddət ərzində Azərbaycanın Solomon Adaları ilə idxalının dəyəri 1,14 min dollar, Sudanla 23,89 min dollar, Suriya Ərəb Respublikası ilə 17,06 min dollar, Surinam 4,50 min dollar, Svazilendlə 0,06 min dollar, Syerra-Leone ilə 6,45 min dollar, Trinidad və Tabaqo ilə 21,67 min dollar, Uqandayla 5,13 min dollar, Uruqvay 48,90 min dollar, ABŞ-ın Vircin Adaları ilə 22,49 min dollar, Fransanın Yeni Kaledoniyası ilə 104,59 min dollar, Zambiya və Zimbabve ilə isə hər biri ilə müvafiq olaraq 2,19 min dollar və 172,54 min dollar təşkil edib.

Ümumilikdə isə bu ilin yanvar-may ayları ərzində isə Azərbaycan xarici ticarət dövriyyəsinin həcmi 14 449,25 mln dollar təşkil edib. Bu rəqəmin 8 615,10 mln dolları ixracın, 5 834,15 mln dolları isə idxalın payına düşüb. Bu müddət ərzində Azərbaycanın əsas ticarət tərəfdaşı isə İtaliya oub. Bu ilin ilk 5 ayında Azərbaycanın bu ölkə ilə 2 711,99 mln dollar ticarət dövriyyəsi olub ki, bunun da 2 556,72 mln dolları ixracın, 155 271,93 min dolları isə idxalın payına düşüb.

Bu ilin yanvar-may ayları ərzində Azərbaycanın Avropa İttifaqı ölkələri ilə ticarət dövriyyəsinin həcmi 5 818,36 mln dollar təşkil edib. Bunun 4 820,98 mln dolları ixracın, 997,382 mln dolları isə idxalın payına düşüb.

Bu müddət ərzində Azərbaycanın MDB ölkələri ilə ticarət dövriyyəsinin həcmi isə 1 703,75 mln dollar olub ki, bunun da 447,219 mln dolları ixracın, 1 256,53 mln dolları isə idxalın payına düşüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi