Bakı. 7 avqust. REPORT.AZ/ Fransalı aktyor Sami Naseri Rusiya paytaxtı Moskvanın Tverskaya küçəsində yerləşən barda qardaşı ilə istirahət edərkən naməlum şəxslərlə dalaşıb.
"Report" RİA "Novosti"yə istinadən xəbər verir ki, dava avqustun 5-nə keçən gecə baş verib, ancaq bu barədə yalnız indi xəbər tutulub.
S.Naseri polisə bildirib ki, bazar gününə keçən gecə "Voys" barında qardaşı Larbi ilə istirahət edərkən, təxminən, saat 2 radələrində naməlum şəxslərlə mübahisəsi düşüb. Nəticədə aktyorun üzünə əllə zərbə vurulub.
Fransız aktyor davadan sonra Sklifosovski adına Elmi Tədqiqat İnstitutuna müraciət edib.