Bakı. 30 may. REPORT.AZ/ "Hazırda Azərbaycanda aktual məsələlərdən biri gender stereotiplərinin aradan qaldırılması və peşə seqreqasiyasının düzgün tənzimlənməsidir".
"Report" xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Hicran Hüseynova Qadınların V Forumunda çıxışı zamanı deyib.
O bildirib ki, əvvəllər qızların peşə seçimi ilə bağlı müəyyən stereotiplər var idi: "Ancaq indi bu məsələdə ciddi irəliləyişlər hiss olunur. Bir çox fərqli sahələrdə qadınlarımızın sayı ilbəil artır. Bu gün Azərbaycan qadını - ənənələri, intellekti və sosial aktivliyi özündə cəmləşdirir. Onlar yalnız xalqımızın mənəvi, mədəni ənənələrin qoruyucusu deyil, həm də bütün peşə və sahələrdə mühüm rol oynamaqla müstəqil respublikanın inkişafında fəal iştirak edirlər".