Bakı. 23 sentyabr. REPORT.AZ/ Rusiya prezidenti Vladimir Putin VII çağırış Dövlət Dumasının deputatlarına parlamentin aşağı palatasının sədri vəzifəsinə Prezident Administrasiyasının rəhbər müavini Vyaçeslav Volodinin namizədliyini təklif edib.
Bu barədə "Report" TASS-a istinadən xəbər verir.
"Əlbəttə, bu, sırf olaraq deputatların işidir. Amma Dmitri Anatolyeviç (Medvedev - Rusiyanın baş naziri) ilə birlikdə hər halda deputatlardan Vyaçeslav Volodinin namizədliyinin dəstəklənməsini xahiş edəcəyik", - deyə V.Putin fraksiya liderlərinə müraciətində bildirib.
Qeyd edək ki, bundan əvvəl Dumanın sədri olan Sergey Narışkin dünən Rusiya Xarici Kəşfiyyat Xidmətinin rəhbəri təyin olunub.