Bakı. 6 iyul. REPORT.AZ/ Avropa Parlamenti Türkiyənin Avropa İttifaqına üzvlüyü ilə bağlı müzakirələrin dayandırılması haqqında hesabatı qəbul edib.
“Report” Türkiyə KİV-inə istinadən xəbər verir ki, Hollandiyadan olan deputat Kati Piri tərəfindən hazırlanan hesabatın lehinə 477 deputat səs verib.
Bu hesabat iyulun 5-də müzakirə edilib, iyulun 6-da isə təsdiqlənib.
Hesabatda Türkiyənin Avropa İttifaqına üzvülüyü ilə bağlı müzakirələrin dayandırılmasına çağırış edilib.
Qeyd edək ki, Avropa Parlamentinin 751 üzvü var.