“Son dövrlərdə texnologiya sahəsində uğurlarımız ard-arda artır. Bu, şübhəsiz ki, insan resursu ilə bağlıdır”.
“Report” xəbər verir ki, bunu Türkiyənin sənaye və texnologiya naziri Mustafa Varank deyib.
O, gənclərə inamını da ifadə edib: “İnsan resurları ilə bağlı imkanlarımızı daha da artırmağa çalışırıq. Gənclərimiz üçün yeni imkanlar yaradırıq. Prezident Rəcəb Tayyib Ərdoğanın yaratdığı şərait nəticəsində artıq bizim üçün qeyri-mümkün nə isə yoxdur”.
Nazirin sözlərinə görə, ilk yerli “TOGG” avtomobilinin istehsalı Türkiyənin sənayə sahəsində qazandığı uğurun bariz nümunəsidir: “Artıq prezidentə, nazirlərə yerli avtomobil təqdim edilib. İndi “TOGG” Türkiyə yollarında hərəkət edir”.
M.Varank qeyd edib ki, Türkiyə daha böyük uğurlara nail olmağa qadirdir.