Bakı. 30 noyabr. REPORT.AZ/ Türkiyənin Siirt əyalətinin Şirvan rayonunda güclü yağış bir evin damının çökməsinə səbəb olub.
“Report” “Haber7”yə istinadən xəbər verir ki, nəticədə bir ailənin 3 üzvü ölüb, 5 nəfər xəsarət alıb.
Səkkiz nəfərin yaşadığı evdə 40 yaşlı Cemal Coşkun, 5 yaşlı Ömər, 15 yaşlı Yusuf Coşkun hadisə yerində ölüb. C.Coşkunun həyat yoldaşı və 4 uşağı sakinlər tərəfindən dağıntıların altından çıxarılıb.
Onlar Şirvan dövlət xəstəxanasına yerləşdiriliblər.