Türkiyənin Siirt vilayətinin Kurtalan rayonunda qidadan zəhərlənənlərin sayı 88 nəfərə çatıb.
Bu barədə "Report" yerli mətbuata istinadən xəbər verir.
Məlumata görə, xəstəxanaya müraciət edənlərin 77-si şagirddir. Qeyd olunur ki, 55 nəfər ambulator müalicə alıb, 33 nəfər isə xəstəxanaya yerləşdirilib.
İlkin araşdırmalar nəticəsində zərərçəkənlər Kayabağlar rayonunda fəaliyyət göstərən müəssisədən toyuq lavaşlarını istehlak etdiyi müəyyən olunub.
Məlum olub ki, toyuq lavaşlarının bəziləri məktəb yeməkxanasından qablaşdırılıb, digərləri isə birbaşa müəssisədən alınıb. Hadisənin səbəbini müəyyən etmək üçün nümunələr götürülüb və müəssisə sahibi məhkəmə istintaqı çərçivəsində saxlanılıb.
Türkiyənin Siirt vilayətinin Kurtalan rayonunda 25 nəfər qidadan zəhərlənib.
"Report" xəbər verir ki, bu barədə "Haber Global" məlumat yayıb.
Məlumata görə, iaşə obyektində qida qəbul edən şəxslərdə az sonra ürəkbulanma, qusma və qarınağrısı əlamətləri müşahidə olunub. Zəhərlənənlərdən 12-si şagirdlər, onların valideynləri və başqa sakinlərdir.
Zərərçəkənlər ətrafdakı xəstəxanalara yerləşdirilib.
Hadisə ilə bağlı araşdırma başlanılıb.