Moskvada Türkiyə, Rusiya, İran və Suriya müdafiə nazirləri - Hulusi Akar, Sergey Şoyqu, Mohammad Reza Aştiyani və Ali Mahmud Abbas arasında dördtərəfli görüş keçirilib.
“Report” xəbər verir ki, bu barədə Rusiya Müdafiə Nazirliyi məlumat yayıb.
Nazirlər Türkiyə-Suriya münasibətlərinin normallaşmasını müzakirə ediblər.
Tərəflər həmçinin Suriyada terrorla mübarizə barədə danışıblar. İclasda suriyalı köçkünlərin torpaqlarına qayıtması istiqamətində atıla biləcək addımlara dair fikir mübadiləsi aparılıb.