“Yeddilik” (G7) ölkələrinin və Türkiyənin səfirləri Ukraynadan taxıl ixracının bərpasında şəxsən iştirak etmək üçün Odessaya gəliblər.
“Report” TASS-a istinadən xəbər verir ki, bu barədə Böyük Britaniyanın Ukraynadakı səfiri Melinda Simmons məlumat verib.
“Ukraynanın ərzaq ixracının bərpası üçün BMT-nin vasitəçiliyi ilə əldə edilmiş razılaşmanın əhəmiyyətinə şahidlik etmək üçün indi Odessada olan G7 və Türkiyə səfirləri ilə bir yerdəyəm”, - o tvitterdə yazıb.
Xatırladaq ki, bu gün Türkiyənin milli müdafiə naziri Hulusi Akar yaxın saatlarda taxıl yüklənmiş gəmilərin göndərilməsi məqsədilə işlərin aparıldığını açıqlayıb.