Tehran ABŞ və ya İsrailin İrana qarşı istənilən təcavüzünə tez və sərt cavab vermək hüququnu özündə saxlayır.
“Report” TASS-a istinadən xəbər verir ki, bu barədə İranın BMT-dəki daimi nümayəndəsi Əmir Səid İrəvani BMT Təhlükəsizlik Şurasına ünvanladığı məktubda bildirib.
"İran regionda sülh, sabitlik və təhlükəsizliyə sadiq qalır və gərginliyin artmasına səy göstərmir. Bununla belə, biz istənilən hərbi avantüraya qarşı qəti şəkildə xəbərdarlıq edirik, ABŞ və ya onun etibarlı nümayəndəsi olan İsrail rejiminin istənilən təcavüzünə tez və sərt cavab vermək hüququnu özümüzdə saxlayırıq", - diplomat vurğulayıb.
Xatırladaq ki, martın 30-da ABŞ Prezidenti Donald Tramp İranın nüvə proqramı ilə bağlı danışıqlarda irəliləyiş əldə olunmasa, iki həftə ərzində Tehrana ikinci dərəcəli tariflər tətbiq edəcəyini bildirmişdi.
