Bu il avqustun 1-nə Azərbaycanın milli valyutası - manatın dövretmə sürəti 4,84 bənd təşkil edib.
"Report" Azərbaycan Mərkəzi Bankına (AMB) istinadən xəbər verir ki, bu, iyulun 1-i ilə müqayisədə dəyişməyib , ilin əvvəli ilə müqayisədə 0,95 bənd, ötən il avqustun 1-nə nisbətən isə 1,13 bənd çoxdur.
AMB-nin statistikasına əsasən, manatın dövretmə sürətinin son 17 il ərzində ən aşağı həddi 2015-ci ilin yanvar ayının yekununda, yəni son illərin ilk devalvasiyası ərəfəsində qeydə alınıb və 2,68 bənd təşkil edib. Bu göstəricinin ən yüksək həddi isə 2005-ci ildə (15,72 bənd) qeydə alınıb.