Bu il martın 1-nə Azərbaycanın milli valyutası - manatın dövretmə sürəti 5 bənd təşkil edib.
"Report" Azərbaycan Mərkəzi Bankına (AMB) istinadən xəbər verir ki, bu, fevralın 1-i ilə müqayisədə 0,19 bənd çox, ilin əvvəli ilə müqayisədə 1,11 bənd çox, ötən il martın 1-nə nisbətən isə 1,32 bənd çoxdur.
AMB-nin statistikasına əsasən, manatın dövretmə sürətinin son 17 il ərzində ən aşağı həddi 2015-ci ilin yanvar ayının yekununda, yəni son illərin ilk devalvasiyası ərəfəsində qeydə alınıb və 2,68 bənd təşkil edib. Bu göstəricinin ən yüksək həddi isə 2005-ci ildə (15,72 bənd) qeydə alınıb.