Bakı. 1 fevral. REPORT.AZ/ Azərbaycan Əmanətlərin Sığortalanması Fondu ölkə iqtisadiyyatında nağdsız dövriyyənin payının artırılması və ödəniş kartları bazarının inkişaf etdirilməsi istiqamətində həyata keçirilən islahatları nəzərə alaraq, ləğvedicisi olduğu “DəmirBank” ASC-nin qorunan əmanətçilərinə kompensasiyaları ilk dəfə nağdsız qaydada “Kapital Bank” ASC-nin adlı debit kartları və “Xəzri” sürətli pul köçürmə sistemi vasitəsilə ödəyir.
“Report” xəbər verir ki, bu barədə Fondun açıqlamasında bildirilir.
Xatırladaq ki, kompensasiya ödənişinə bu gündən başlanılıb və agent-bank qismində “Kapital Bank” seçilib. Ödənişlər Bankın 26 filialında həyata keçirilir.