"Avropa çempionatında yaxşı mübarizə aparmaq üçün əlimizdən gələni edəcəyik".
Bunu "Report"a müsahibəsində Azərbaycan millisinin voleybolçusu Ayşən Abduləzimova deyib.
30 yaşlı idmançı qitə birinciliyində 10-cu dəfə çıxış edəcəklərini xatırladıb: "Bu, böyük uğurdur. Amma arxayınlaşmamalıyıq. Bir neçə gün əvvəl federasiyanın I vitse-prezidenti Faiq Qarayevin nəzarəti ilə klublarda çıxış edən milli voleybolçular məşqlərə başlayıblar. Mən də Macarıstandakı matçlar bitdikdən sonra Bakıya gəlib hazırlığa qoşulacağam".
Qeyd edək ki, Avropa çempionatı 18 avqust - 16 sentyabrda təşkil olunacaq. Azərbaycan C qrupunda Almaniya, Çexiya, Türkiyə, İsveç və Yunanıstanla mübarizə aparacaq. Bu qrupun oyunları Almaniyada keçiriləcək.
Ayşən Abduləzimovanın müsahibəsinin tam versiyasını buradan oxuya bilərsiniz.