Bakı. 31 yanvar. REPORT.AZ/ Tərtər rayonunda 3 subartezian quyusundan elektrik kabelləri kəsilərək oğurlanıb.
"Report" xəbər verir ki, hadisə rayonun Evoğlu kəndində baş verib.
Belə ki, Rayon Mexaniki Suvarma İdarəsinə məxsus 3 subartezian quyularından müvafiq olaraq 17, 55 və 30 metr elektrik kabelləri kəsilərək oğurlanıb.
Tərtər Rayon Polis Şöbəsi (RPŞ) və Bərdə RPŞ-nin əməkdaşlarının həyata keçirdikləri birgə əməliyyat-axtarış tədbirləri nəticəsində hadisəni törətməkdə şübhəli bilinən kənd sakinləri Səbuhi Əliyev və Xalid Tağıyev tutulublar. Onların Soğanverdilər, Şahvəlilər, Xanərəb, Dəymədağlı, Hacalı-2, Mehdixanlı və Tağılar kəndələri ərazilərindəki subartezian quyularını elektrik enerjisi ilə təmin edən kabelləri kəsərək oğurlamaları da müəyyən edilib.
Faktla bağlı araşdırmalar davam edir.