Sumqayıtda bazarda yanğın baş verib.
"Report"un yerli bürosu məlumat verir ki, hadisə "Əşya bazarı" adlanan ərazidə qeydə alınıb.
Sumqayıt şəhər sakini 1990-cı il təvəllüdlü Hacıyev Mübariz Sedulla oğluna məxsus ümumi sahəsi 300 kv.metr olan meyvə-tərəvəz mağazasının 250 kv metr hissəsi yanıb. Daha sonra yanğın mağazanın yanında dayanmış vəziyyətdə olan 1978-ci il təvəllüdlü Hüseynov Elşən Şamil oğluna məxsus "Mercedes" markalı yük avtomobilinə keçib.
Əraziyə dərhal FHN-nin DYMX-nin əməkdaşları cəlb olunub. Yanğın söndürülüb.
Yanğının səbəbi araşdırılır.