Sumqayıt şəhərində yanğın hadisəsi qeydə alınıb.
"Report"un yerli bürosu xəbər verir ki, hadisə 17-ci mikrorayonda yerləşən 9 mərtəbəli yaşayış binasının 3-cü mərtəbəsində baş verib.
Məlumata görə, yanğın 2 otaqlı mənzildə başlayıb. Dərhal əraziyə Fövqəladə Hallar Nazirliyi (FHN) Dövlət Yanğından Mühafizə Xidmətinin canlı qüvvəsi və texnikası cəlb olunub. Görülən tədbirlər sayəsində yanğın məhdudlaşdırılaraq söndürülüb.
Hadisənin səbəbləri və dəymiş ziyanın miqdarı araşdırılır.