Bakı. 24 avqust. REPORT.AZ/ Şirvanda iki nəfər bir-birini bıçaqlayıb. "Report"un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.
Məlumata görə, avqustun 24-də Şirvan şəhərində şəhər sakini Kamran Heydərov və Sabirabad rayon sakini Rövşən Salavyov münaqişə zəminində bir-birinə bıçaqla xəsarət yetirib. Onlar xəstəxanaya yerləşdiriliblər.
Faktla bağlı Şirvan Şəhər Polis Şöbəsində əməliyyat-axtarış tədbirləri aparılır.