Şirvanda ağır yol qəzası nəticəsində ölənlərin adları məlum olub.
"Report"un Aran bürosu xəbər verir ki, bunlar Saatlı rayon sakini, 1977-ci il təvəllüdlü Zeynalova Pərvanə Saleh qızı, Tərtər rayon sakini, 1953-cü il təvəllüdlü Dadaşova Eyzangül Kərəm qızı və əslən Salyan rayonundan olan, Tərtər rayonunda yaşayan, 1985-ci il təvəllüdlü Zeynalova Zöhrə Oruc qızıdır.
*** 11:14
Şirvan şəhərində ağır yol-nəqliyyat hadisəsi baş verib.
"Report"un Aran bürosu xəbər verir ki, hadisə şəhərin giriş hissəsində qeydə alınıb.
Şamilov Qadir Cəfər oğlunun idarə etdiyi "Hyundai" markalı 90-OT-031 dövlət nömrəli avtomobil idarəetmədən çıxaraq Şirvan şəhərinin girişindəki alaqapıya çırpılıb. Nəticədə sürücü və avtomobildə olan 3 qadın dünyasını dəyişib.
Faktla bağlı araşdırma aparılır.