Bu gün Qax rayonu ərazisində hava şəraiti kəskin dəyişib.
“Report”un Şimal-qərb bürosunun məlumatına görə, rayonun Almalı kəndinə dolu yağıb.
Təxminən 5 dəqiqə davam edən dolunun diametri 5-20 millimetr olub. Kənd sakinləri bildiriblər ki, dolu yaşayış evlərinə ziyan vurmayıb.
Qeyd edək ki, bu gün axşam saatlarında şimal-qərb bölgəsində qeyri-sabit hava şəraiti müşahidə olunub və bəzi rayonlara ildırımla müşahidə olunan leysan yağışları yağıb və dolu düşüb.