Bakıda cəza çəkən məhkumların sayı açıqlanıb.
"Report"un xəbərinə görə, Bakı şəhər Probasiya İdarəsinin rəisi vəzifəsini icra edən Baş ədliyyə müşaviri Namiq İsmayılov jurnalistlərə açıqlamasında bildirib ki, paytaxt üzrə 2 812 nəfər azadlıqdan məhrumetmə ilə əlaqədar olmayan cəza çəkir.
O deyib ki, həmin şəxslərdən 1 233 nəfər azadlığın məhdudlaşdırılması cəzasına məhkum edilərək elektron qolbaq vasitəsilə nəzarətdə saxlanılır: "Həmçinin 139 nəfər cərimə cəzasına məhkum edilib, 27 nəfər islah işlərinə cəlb edilib, 205 nəfər isə cəzadan şərti olaraq vaxtından azad edilənlərdir".