Oğuzda yol qəzası zamanı xəsarət alanların hamısı Qarabulaq kənd məktəbinin dörd qadın müəllimidir.
"Report"un Şimal-qərb bürosunun məlumatına görə, hadisə nəticəsində sürücü xəsarət almayıb, digər xəsarət alanlar Oğuz Rayon Mərkəzi Xəstəxanasına yerləşdiriliblər.
Qəza zamanı xəsarət alan müəllimlərin kimliyi dəqiqləşdirilib:
Leyla Rzayeva (sürücü, 1989-cu il təvəllüdlü), sərnişinlər Aynurə Sərkərova (1977), Nuranə Rüstəmova (1987) və Cəmalə İsgəndərova (1982).
Qəza müəllimlərin məktəbdən çıxıb evə qayıtdıqları zaman qeydə alınıb.
Oğuz rayonunda yol-nəqliyyat hadisəsi olub.
"Report"un Şimal-qərb bürosunun məlumatına görə, hadisə Oğuz-Padar-Böyük Söyüdlü yolunun Böyük Söyüdlü kəndi ərazisindən keçən hissəsində baş verib.
İlkin məlumata görə, hərəkətdə olan "Mercedes" markalı avtomobil idarəetmədən çıxaraq yol kənarına aşıb. Nəticədə avtomobildə olan sərnişinlər xəsarət alıblar.
Faktla bağlı araşdırma aparılır.
