Bakıda piyadanın vurulması ilə nəticələnən yol-nəqliyyat hadisəsi baş verib.
“Report” xəbər verir ki, hadisə Qaradağ rayonunun Lökbatan qəsəbəsi ərazisində, “Meyvəli” bazarın yaxınlığında qeydə alınıb.
Belə ki, yolu keçmək istəyən 1972-ci il təvəllüdlü, Abdullayev Azad Mirzağa oğlunu avtomobil vurub.
Yaralı təcili tibbi yardım avtomobilinin köməkliyi ilə xəstəxanaya çatdırılıb.
Həkimlərin müayinəsindən sonra ona sol diz oynağının sınığı diaqnozu qoyulub. Faktla bağlı araşdırma aparılır.
İlqar Abdullayev