Bakı. 6 iyul. REPORT.AZ/ Bakıda qadın əcnəbi vətəndaşın pulunu oğurlayıb.
Bu barədə "Report"a Daxili İşlər Nazirliyinin mətbuat xidmətindən bildirilib.
Nəsimi Rayon Polis İdarəsinin 20-ci Polis Bölməsinə müraciət edən əcnəbi vətəndaş yaşadığı mənzildə çantasından 670 ABŞ dollarının oğurlandığını bildirib.
Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən qadın müəyyən edilərək saxlanılıb. Araşdırmalarla onun Mingəçevir şəhər sakini Z.Əliyeva olduğu məlum olub.
Faktla bağlı cinayət işi başlanılıb, istintaq aparılır.