Bakıda iki qardaş bıçaqlanıb.
“Report”un xəbərinə görə, hadisə dekabrın 2-də paytaxtın Suraxanı rayonunun Hövsan qəsəbəsində baş verib.
Belə ki, Əli Yunusov və qardaşı Xaliq Yunusov qəsəbənin H.Quliyev küçəsi, 23 saylı binanın qarşısında olarkən 3 nəfər naməlum şəxslə mübahisə ediblər. Daha sonra həmin şəxslər qardaşlara qol və bud nahiyyələrindən bıçaqla xəsarət yetiriblər.
Yaralılar xəstəxanaya yerləşdiriliblər.
Faktla bağlı Suraxanı Rayon Polis İdarəsində araşdırma aparılır.