Bakıda gəncə qarşı dələduzluq edilib.
“Report”un xəbərinə görə, hadisə aprelin 17-si Binəqədi rayon ərazisində qeydə alınıb.
Belə ki, naməlum şəxs Bakı şəhər sakini, 2005-ci il təvəllüdlü Y.Məmmədovun mobil telefonunu danışmaq adı ilə alıb və daha sonra dələduzluq yolu ilə ələ keçirib.
Y.Məmmədov bu barədə polis əməkdaşlarına məlumat verib.
Binəqədi Rayon Polis İdarəsinin 4-cı Polis Şöbəsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Naftalan şəhər sakini, 2002-ci il təvəllüdlü Tahir Məmmədov müəyyən edilərək saxlanılıb.
Faktla bağlı araşdırma aparılır.