Bakıda ağır xəsarətlə nəticələnən bədbəxt hadisə baş verib.
"Report"un məlumatına görə, hadisə Xətai rayonunda qeydə alınıb.
Rayon ərazisində fəaliyyət göstərən çörək bişirən sexlərin birində işləyən 1971-ci il təvəllüdlü Mustafayeva Şəfiqə Səməd qızının sol əli elektrik dəzgahına ilişib.
Yaralı ağır vəziyyətdə xəstəxanaya çatdırılıb. Müayinə zamanı ona sol saidin geniş həcmli kəsilmiş sınıqları diaqnozu qoyulub.
Hadisənin təfərrüatı araşdırılır.