Bakıda piyadanın xəsarət alması ilə nəticələnən yol-nəqliyyat hadisəsi baş verib.
"Report"un məlumatına görə, hadisə Nizami rayonunda qeydə alınıb.
Belə ki, “Qara Qarayev” metrostansiyasının yaxınlığında 2003-cü il təvəllüdlü Xudaverdiyev Murad Zabid oğlu yolu keçmək istəyərkən avtomobil onu vurub. Yaralı təcili tibbi yardım briqadasının köməkliyi ilə xəstəxanaya çatdırılıb və ona kəllə-beyin travması qoyulub. M.Xudaverdiyev reanimasiya şöbəsinə yerləşdirilib.
Yaralının vəziyyətinin ağır olduğu bildirilir.