*** ilk xəbər saat 11:25-də yayımlanıb
Bakı. 30 sentyabr. REPORT.AZ/ Bakının Xətai rayonunda bıçaqlanma hadisəsi qeydə alınıb.
“Report” xəbər verir ki, 1983-cü il təvəllüdlü Ceyhun Yarmətov yaşadığı General Mehmandarov küçəsi, ev 68 ünvanından çoxsaylı kəsilmiş-deşilmiş xəsarətlərlə 3 saylı Şəhər Klinik Xəstəxanasına aparılıb.
Daxili İşlər Nazirliyinin (DİN) yaydığı məlumata görə, Xətai Rayon Polis İdarəsinin (RPİ) 35-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Ceyhun Yarmətova bıçaqla xəsarət yetirməklə sağlamlığına ağır zərər vurmaqda şübhəli bilinən həmyerlisi Elvan Mirəliyev tutulub.
Araşdırmalar davam etdirilir.