Bakıda xəsarətlə nəticələnən yol-nəqliyyat hadisəsi baş verib.
"Report"un məlumatına görə, hadisə Xəzər rayonunda qeydə alınıb.
Belə ki, avtomobil yolunu keçən 2011-ci il təvəllüdlü Əlizadə Nuray Elman qızını vurub.
Yaralı təcili yardımın köməkliyi ilə 3 saylı şəhər klinik xəstəxanasına çatdırılıb. Müayinə zamanı ona qapalı kəllə-beyin travması və alın sümüklərinin sınığı diaqnozları qoyulub.
Hadisənin təfərrüatı araşdırılır.