Bakı-Qazax yolunda avtomobil qəzası baş verib, yaralılar var

Goranboy. 28 dekabr. REPORT.AZ/ Goranboy rayonunda 2 avtomobil toqquşub, yaralılar var.

"Report"un Qərb bürosunun məlumatına görə, hadisə Bakı-Qazax yolunun Goranboy rayonu ərazisindən keçən hissəsində baş verib. İki "Mercedes" markalı minik avtomobillərin toqquşması nəticəsində üç nəfərin xəsarət aldığı bildirilir. Onlardan Bakı şəhər sakini, 1984-cü il təvəllüdlü Süleymanov Bəhruz Akif oğlu xəstəxanaya aparılıb. Digər avtomobilin sürücüsü və bir sərnişinə hadisə yerində tibbi yardım göstərilib.

Faktla bağlı araşdırma aparılır.

Digər xəbərlər

Qobustanda top mərmisi tapılıb 18 noyabr, 2026 / 10:31