Abşeron rayonunda ağır xəsarətlə nəticələnən yol-nəqliyyat hadisəsi baş verib.
"Report"un məlumatına görə, hadisə Xırdalan şəhərində qeydə alınıb. Avtomobil yolu keçən 1985-ci il təvəllüdlü Quliyev Niyaməddin Mehdi oğlunu vurub.
Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona boyun fəqərisinin sınığı diaqnozu qoyulub.
Hadisənin təfərrüatı araşdırılır.