Abşeronda avtomobil iki şagirdi vurub.
“Report”un Sumqayıt - Abşeron bürosunun məlumatına görə, hadisə Xırdalan şəhərində baş verib
“Mercedes” markalı minik avtomobili idarəetmədən çıxaraq yol kənarında gedən Xırdalan şəhər 1 nömrəli tam orta məktəbin 8-ci sinif şagirdləri olan iki qızı vurub. Nəticədə məktəblilər ağır xəsarətlər alıblar. Yaralılar xəstəxanaya çatdırılıb. Xəsarət alanlardan biri – Fidan adlı şagird komaya düşüb.
Hadisənin başvermə anı yaxınlıqdakı müşahidə kamerasına düşüb.
Faktla bağlı araşdırma aparılır.