Türkiyənin "Gənclərbirliyi" futbol komandasının yeni baş məşqçisi müəyyənləşib.
"Report" klubun rəsmi tvitter hesabına istinadən xəbər verir ki, Superliqa təmsilçisinin sükanı arxasına Özcan Bizati gətirilib.
53 yaşlı mütəxəssis bu vəzifədə 2 gün öncə istefaya göndərilmiş Mehmet Altıparmakı əvəzləyib. Onunla cari mövsümün sonunadək müqavilə imzalanıb.
Qeyd edək ki, "Gənclərbirliyi" ölkə çempionatında 27 turdan sonra 21 xalla sonuncu - 21-ci pillədə qərarlaşıb.