İngiltərənin "Hall Siti" klubu seneqallı Nobel Mendi və avstraliyalı Lukas Herrinqtonu transfer edib.
"Report" Premyer Liqa təmsilçisinin rəsmi saytına istinadən xəbər verir ki, hər iki müdafiəçi ilə 5 illik müqavilə imzalanıb.
İspaniyanın "Rayo Valyekano" klubundan transfer olunan 21 yaşlı N.Mendinin müqaviləsinin müddəti klubun seçimi ilə daha 1 il uzadıla bilər. Seneqal yığmasının üzvü olan müdafiəçi ötən mövsüm Madrid təmsilçisinin heyətində keçirdiyi 28 matçda 2 qol vurub. O, karyerası ərzində "Pari" və "Betis" klublarında da çıxış edib.
ABŞ-nin "Kolorado Repids" komandasından gələn 18 yaşlı L.Herrinqton isə "Hall Siti"nin yayda heyətinə qatdığı 9-cu futbolçu olub. Mərkəz müdafiəçisi bu yay keçirilən DÇ-2026-nın Paraqvayla matçında (0:0) meydana çıxmaqla Avstraliya yığmasının dünya çempionatları tarixində start heyətində yer alan ən gənc oyunçusu olub. L.Herrinqton karyerası ərzində "Brisben Roar" və "Kolorado Repids" klublarında çıxış edib. O, Avstraliyanın U-20 yığmasının heyətində 2025-ci ildə Asiya Kubokunun qalibi olub. Müdafiəçi əsas milli komandada 6 matça çıxıb.