Almaniyanın "Ayntraxt" (Frankfurt) və Şotlandiyanın "Reyncers" komandaları arasında keçirilmiş UEFA Avropa Liqasının final matçından sonra həftənin ən yaxşı oyunçusu adına namizədlər bəlli olub.
"Report"un məlumatına görə, bu ada Frankfurt təmsilçisinin qapıçısı Kevin Trapp ilə hücumçusu Rafael Borre, həmçinin "Reyncers"in yarımmüdafiəçisi Co Aribo və müdafiəçisi Kelvin Bassi iddia edir.
Qeyd edək ki, qalib UEFA-nın rəsmi saytında səsvermə yolu ilə müəyyənləşəcək. "Ayntraxt" əsas və əlavə vaxtı 1:1 hesabı ilə başa çatan qarşılaşmanın penaltilər seriyasında rəqibini məğlub edib - 5:4.