Bakı. 20 sentyabr. REPORT.AZ/ AFFA-nın İntizam Komitəsi "Zirə" klubunun baş məşqçisi Adil Şükürova xəbərdarlıq edib. "Report"un qurumun rəsmi saytına istinadən verdiyi məlumata görə, xəbərdarlıq mütəxəssisin Azərbaycan Premyer Liqasının V turunda "Qarabağ"la baş tutan səfər görüşündən sonra mətbuat konfransına gecikməsi ilə əlaqədardır.
Analoji hal yenidən təkrarlanacağı təqdirdə, o, daha ağır cəzaya məruz qalacaq.
Qeyd edək ki, həmin görüş "Qarabağ"ın 2:0 hesablı qələbəsi ilə yekunlaşıb.