Ağır çəki dərəcəsində yarışan braziliyalı MMA döyüşçüsü Bruno Kappelozza antidopinq qaydalarını pozduğuna görə bir il müddətinə diskvalifikasiya olunub.
"Report" xarici KİV-ə istinadən xəbər verir ki, bu ilin aprelində ondan götürülmüş sidik nümunəsində qadağan olunmuş maddələr tapılıb.
İdmançı yalnız 2025-ci ilin aprelində rinqlərə qayıda biləcək.
Qeyd edək ki, B.Kappelozza artıq ikinci dəfədir ki, dopinq testindən keçə bilmir. İlk dəfə 2023-cü ildə orqanizmində qadağan olunmuş maddə tapılan braziliyalı idmançı 9 aylıq diskvalifikasiya edilmişdi.