Rusiyanın “Rosneft” neft-qaz şirkəti Venesueladakı fəaliyyətini dayandırıb və ölkədəki bütün layihələrdən çıxıb.
“Report”un TASS-a istinadən verdiyi məlumata görə, bu barədə şirkətin rəhbəri İqor Seçin bildirib.
İ. Seçinin sözlərinə görə, 2020-ci ilin ikinci rübündə şirkət “Petromonagas”, “Petroperija”, “Boqueron”, “Petromiranda” və “Petrovictoria”, eləcə də neft servis şirkətlərindəki, kommersiya və ticari əməliyyatlardakı səhmləri də daxil olmaqla, Rusiya hökumətinin Venesueladakı bütün aktivlərinin 100% sahib olduğu bir şirkətə təhvil verilməsi üçün əvvəlcədən elan edilmiş bir əməliyyatı bağlayıb: “Şirkətin Venesueladakı fəaliyyəti tamamilə dayandırılıb”.
“Rosneft” şirkətlər qrupunun sövdələşməsi nəticəsində 100 faizlik paya sahib şirkət “Rosneft”in qeydə alınmış adi səhmlərinin 9,6 faizinin sahibi olub.