Bu ilin ilk iki ayı ərzində Azərbaycan Dövlət Neft Şirkəti (SOCAR) üzrə 1,044 milyon ton neft emal edilib.
“Report”un SOCAR-a istinadən verdiyi məlumata görə, 2021-ci ilin yanvar-fevral ayları ilə müqayisədə 11,3 % artım qeydə alınıb.
Xatırladaq ki, ötən ilin yanvar-fevral aylarında 937,9 min ton neft email edilib.
Bu müddət ərzində SOCAR tərəfindən emal edilən neftdən əldə edilən neft bitumunun həcmi 64,3 %, texniki butanın istehsalı 59 %, soba mazutunun istehsalı 8,1 dəfə artıb.
2022-ci ilin yanvar-fevral ayları ərzində istehsal edilən Aİ-92 avtomobil benzinin istehsalı 51,2 %, reaktiv mühərrik yanacağının istehsalı 41,7 %, texniki propanın istehsalı 47,9 % artıb.
Bu müddət ətzində illik müqayisədə atmosfer qazoyl fraksiyasının istehsalı 7,8 dəfə artıb.
Xatırladaq ki, SOCAR-ın Heydər Əliyev adına NEZ-i regionumuzun yeganə neft emalı müəssisəsi olaraq, Azərbaycanın Ai-92, dizel və təyyarə yanacağı kimi yanacaq məhsulları ilə təmin etməklə yanaşı, SOCAR-ın Azərbaycandakı neft-kimya müəssisələrini də xammal ilə təchiz edir. Zavodda istehsal edilən məhsulun bir qismi isə ixrac olunur. NEZ-in istehsal gücünün artırılması, ölkənin "Avro-5" standartına uyğun olan yüksək keyfiyyətli yanacaqla təmin edilməsi, “Azərikimya” İB-nin sabit xammal təchizatı və neft məhsullarının ixrac potensialının yüksəldilməsi məqsədi ilə həyata keçirilən modernizasiya və yenidənqurma işləri ölkə sənayesi üçün mühüm əhəmiyyət daşıyır.